Wakati michuano ya kombe la Kagame ikitarajiwa kuanza kutimua vumbi Julai 24, Yanga haitashiriki michuano hiyo itakayofanyika nchini Rwanda.
Droo ya michuano hiyo inatarajiwa kufanyika siku ya Ijumaa, Julai 10 huku klabu za Singida BS na Simba za Tanzania Bara zikithibitisha kushiriki na KVZ ya Zanzibar nayo ikithibitisha ushiriki wake.
Yanga ambao ni mabingwa wa Tanzania Bara kwa misimu mitano mfululizo walipokea mwaliko rasmi lakini kutokana na mipango yao, wamechagua kutoshiriki.
Wakati Yanga ikihitimisha shamrashamra za ubingwa wa sita, Rais wa klabu hiyo Injinia Hersi Said alidokeza kuhusu maandalizi kuelekea msimu ujao wa mashindano 2026/27.
Hersi alisema tayari wana mialiko kutoka nchi mbili tofauti zilizoandaa michuano maalum ya pre-season. Lakini pia alisema Yanga inaweza kushiriki michuano mingine ya pre-season ambayo inaweza kufanyika visiwani Zanzibar.
Uongozi wa Yanga bado haujaweka wazi ratiba ya pre-season kuelekea msimu ujao kwa sasa wakiwa kwenye mchakato wa mabpresho ya benchi la ufundi wakitarajiwa kumtangaza kocha mkuu hivi karibuni.
