Kocha wa zamani wa Yanga Pedro Goncalves yuko kwenye mazungumzo na klabu ya AS FAR kuwa kocha mkuu wa timu hiyo.
AS FAR wameachana na aliyekuwa kocha wao mkuu Alexandre Santos kufuatia timu hiyo kushindwa kufuzu kwa michuano ya ligi ya mabingwa msimu ujao wakimaliza nafasi ya nne ligi kuu ya Morocco.
Goncalves hakuwa na timu tangu alipofutwa kazi na Yanga May 06 mwaka huu. Uongozi wa klabu ya Yanga ulimfuta kazi Goncalves muda mfupi baada ya timu hiyo kupata ushindi wa bao 1-0 dhidi ya KMC FC katika Uwanja wa KMC Complex.
Kufuatia maamuzi hayo, benchi la ufundi lilikabidhiwa kwa Abdihamid Moalin na Patrick Mabedi kukaimu nafasi hizo hadi mwisho wa msimu wakifanikiwa kutetea taji la ligi kuu.
Kocha huyo raia wa Ureno, aliiongoza Yanga kwa sehemu ya kubwa ya msimu akichukua mikoba iliyoachwa na Romain Folz ambaye nae alifutwa kazi mwanzoni mwa msimu.
Yanga na AS FAR zilikuwa kundi B kwenye hatua ya makundi ligi ya mabingwa msimu uliomalizika AS FAR wakipoteza mchezo dhidi ya Yanga Zanzibar na wao kushinda Morocco. Waliweza kufuzu hatua ya robo na kusonga mbele mpaka fainali ambapo walifungwa na Mamelodi Sundowns.
