Meneja wa Habari na Mawasiliano wa Yanga Ali Kamwe amesema hadi kufikia Julai 20 siku ambayo kikosi cha Yanga kitaingia kambini, watakuwa wametangaza wapi Wiki ya Mwananchi itafanyika mwaka huu 2026.
Baada ya uwanja wa Benjamin Mkapa kufungwa kutokana na ukarabati unaoendelea, kumekuwa na changamoto ya kupata kiwanja kikubwa cha kufanya Tamasha hilo.
Aidha Kamwe amesema pia wamepokea mialiko kutoka nchi mbalimbali ambazo zingependa Tamasha hilo liandaliwe.
"Mpaka sasa bado tunaendelea kufanya tathmini lakini mpaka kufikia Julai 20 tutakuwa tumepata majibu"
"Sote tunafahamu uwanja wa Benjamin Mkapa umefungwa kutokana na ukarabati unaoendelea hivyo tunapaswa kuamua wapi tukafanye Tamasha letu"
"Tumepokea mialiko kutoka nchi mbalimbali ambazo zingependa tukafanye Tamasha letu, ndani ya siku hizi chache tutakuwa na majibu"
"Kuhusu uzinduzi mpaka sasa imependekezwa mkoani Geita, Katoro lakini bado tunapokea maoni," alisema Kamwe.
Shamrashamra za kilele cha Wiki ya Mwananchi huenda zikafanyika mwanzoni mwa mwezi Agosti.
