Shekhan, Singida BS kimeeleweka

Kiungo mshambuliaji wa Yanga Shekhan Khamis anaelekea kujiunga na klabu ya Singida Black Stars kwa mkopo, imefahamika.

Taarifa za ndani zimethibitisha kuwa Shekhan amejiunga na matajiri hao kutoka mkoani Singida.

Aidha huenda akaungana na mshambuliaji Emmanuel Mwanengo ambaye pia anahusishwa kutua kwa walima alizeti hao.

Yanga imewatoa wachezaji hao kwa mkopo ili wakapate nafasi zaidi ya kucheza kwani wamekuwa na muda finyu kutokana na ushindani uliopo.

Lakini pia uamuzi huo unatoa nafasi kwa Yanga kuongeza wachezaji wapya waliosajiliwa kwenye dirisha hili.

Meneja wa Habari na Mawasiliano wa Yanga Ali Kamwe amesema umefanyika usajili mkubwa wenye lengo la kukisuka upya kikosi cha mabingwa hao wa kihistoria.