Klabu ya Yanga inaendelea na mchakato wa kuimarisha kikosi chake kuelekea msimu ujao huku pia wakihakikisha nyota muhimu wa kikosi cha kwanza wanaendelea kusalia.
Habari njema kwa Wananchi ni kuwa kiungo kiraka Duke Abuya ataendelea kusalia Jangwani kwa muda mrefu baada ya kuongeza mkataba.
Inaelezwa mkataba wa Abuya na Yanga ulikuwa umesalia mwaka mmoja lakini kutokana na thamani yake ya sasa, mabosi wa Yanga wamerudi mezani na kumuongeza mwaka mwingine mmoja ambapo sasa atasalia Jangwani hadi 2028.
Katika msimu uliopita, kama Yanga itatoa tuzo ya mchezaji bora wa msimu pengine tuzo hiyo itakwenda kwa Abuya.
Tangu alipojiunga na Yanga misimu miwili iliyopita akitokea Singida BS, kiwango cha Abuya kimekuwa kikipanda msimu hadi msimu.
Uwezo wake wa kucheza nafasi zadi ya moja uwanjani uliinufaisha Yanga msimu uliopita. Muda mwingi alitumika kama kiungo mkabaji na aliitendea haki nafasi hiyo aliyoanza kuitumikia baada ya kuondoka Khalid Aucho.
