Klabu ya Yanga inatajwa kuwa katika hatua za mwisho kukamilisha usajili wa kiungo mshambuliaji Housseine Zakouani kutoka Comoros.
Kwa mujibu wa taarifa kutoka duru za usajili, nyota huyo anatua Yanga kama mchezaji huru baada ya kumaliza mkataba wake na Al-Zulfi ya Saudi Arabia.
Zakouani amepita academy ya Olympique Marseille nchini Ufaransa, akiwa pia amewahi kuzitumikia klabu za Châteauroux, Hyeres 83 FC na US Thionville Lusitanos zote za Ufaransa.
Ni kiungo mshambuliaji anayemudu vyema kucheza nafasi zote za winga na hata namba 10.
Kocha Mkuu wa Yanga Manqoba Mngqithi amehitaji kuongezewa nguvu eneo la washambuliaji wa pembeni Yanga ikihusishwa na nyota kadhaa mpaka sasa.
Meneja wa Habari na Mawasiliano wa Yanga Ali Kamwe ameahidi kuanzia leo wataanza kutangaza majina ya nyota wa kigeni waliosajiliwa.
