Uongozi wa klabu ya Yanga umesema unahitaji kuanza maandalizi mapema kuelekea mchezo wa kombe la shirikisho barani Afrika dhidi ya Gor Mahia.
Mchezo huo utapigwa jijini Nairobi Julai 18, 2018 kisha timu hizo kurudiana kwenye uwanja wa Taifa Julai 29.
Baada ya kuishuhudia Gor Mahia ikitwaa taji la SportPesa Super Cup ikiwa na kikosi imara kilichoonyesha kandanda safi, Yanga inalazimika kujipanga kwelikweli kuweza kuibuka na ushindi dhidi ya wababe hao wa soka la Kenya.
Kocha Msaidizi wa Yanga Noel Mwandila ambaye alikiongoza kikosi cha Yanga kilichoondolewa kwenye hatua ya robo fainali ya michuano hiyo, amesema wataanza mapema maandalizi ya kuikabili Gor Mahia.
"Tutaanza mikakati mapema kuhakikisha mchezo huo tunashinda, Gor ni timu imara tumeiona, lakini kwa muda tulionao naamini tutakuwa sawa kuwakabili," amesema Mwandila ambaye kwa sasa yuko mapumziko kwao Zambia.
Wachezaji wa Yanga walipewa mapumziko ya wiki mbili na wanatarajiwa kuanza mazoezi Juni 25.
Wachezaji wa Kimataifa wanatarajiwa kurejea mapema zaidi.
Kikosi cha Yanga kinachoshiriki michuano ya CAF kitaimarika zaidi baada kuongezwa kwa wachezaji watatu ambao uongozi wa timu hiyo utawaweka hadharani hivi karibuni.
Licha ya kuanza vibaya michuano ya kombe la Shirikisho, Yanga bado ina nafasi ya kutinga robo fainali kama itapata matokeo kwenye michezo yake minne iliyobaki.
Yanga ina michezo miwili ya ugenini dhidi ya Gor Mahia na Rayon Sports huku pia ikiwa na michezo miwili ya nyumbani dhidi ya Gor Mahia na USM Alger.
USM Alger inaongza kundi D ikiwa na alama nne, inafuatiwa na Gor Mahia na Rayon Sports ambazo zote zina alama mbili wakati Yanga inashika nafasi ya mwisho kwenye kundi ikiwa na alama moja.
Mchezo huo utapigwa jijini Nairobi Julai 18, 2018 kisha timu hizo kurudiana kwenye uwanja wa Taifa Julai 29.
Baada ya kuishuhudia Gor Mahia ikitwaa taji la SportPesa Super Cup ikiwa na kikosi imara kilichoonyesha kandanda safi, Yanga inalazimika kujipanga kwelikweli kuweza kuibuka na ushindi dhidi ya wababe hao wa soka la Kenya.
Kocha Msaidizi wa Yanga Noel Mwandila ambaye alikiongoza kikosi cha Yanga kilichoondolewa kwenye hatua ya robo fainali ya michuano hiyo, amesema wataanza mapema maandalizi ya kuikabili Gor Mahia.
"Tutaanza mikakati mapema kuhakikisha mchezo huo tunashinda, Gor ni timu imara tumeiona, lakini kwa muda tulionao naamini tutakuwa sawa kuwakabili," amesema Mwandila ambaye kwa sasa yuko mapumziko kwao Zambia.
Wachezaji wa Yanga walipewa mapumziko ya wiki mbili na wanatarajiwa kuanza mazoezi Juni 25.
Wachezaji wa Kimataifa wanatarajiwa kurejea mapema zaidi.
Kikosi cha Yanga kinachoshiriki michuano ya CAF kitaimarika zaidi baada kuongezwa kwa wachezaji watatu ambao uongozi wa timu hiyo utawaweka hadharani hivi karibuni.
Licha ya kuanza vibaya michuano ya kombe la Shirikisho, Yanga bado ina nafasi ya kutinga robo fainali kama itapata matokeo kwenye michezo yake minne iliyobaki.
Yanga ina michezo miwili ya ugenini dhidi ya Gor Mahia na Rayon Sports huku pia ikiwa na michezo miwili ya nyumbani dhidi ya Gor Mahia na USM Alger.
USM Alger inaongza kundi D ikiwa na alama nne, inafuatiwa na Gor Mahia na Rayon Sports ambazo zote zina alama mbili wakati Yanga inashika nafasi ya mwisho kwenye kundi ikiwa na alama moja.
ADVERTISE HERE
