Licha ya kupewa ofa ya kusalia kwenye nafasi ya kocha msaidizi kwenye kikosi cha Yanga, kocha Abdihamid Moalin hatarajiwi kuwa sehemu ya benchi la ufundi la mabingwa hao wa nchi, imefahamika.
Inaelezwa Moalin amehitaji majukumu makubwa zaidi ya kocha msaidizi na hivyo kushindwa kufikia makubaliano na uongozi wa Yanga.
Taarifa zaidi imebainisha kuwa kocha huyo kuna klabu nchini Kenya imemuhitaji akawe Kocha Mkuu.
Moalin alirejeshwa na Yanga kuongeza nguvu benchi la ufundi ambalo awali lilikuwa likiongozwa na kocha Pedro Goncalves.
Baada ya Yanga kuachana na Goncalves, Moalin akapewa jukumu la kuongoza benchi la ufundi hadi mwishoni mwa msimu uliopita ambapo aliwaongoza Wananchi kutetea taji la ligi kuu kwa msimu wa tano mfululizo.
ADVERTISE HERE
