Meneja wa Habari na Mawasiliano wa Yanga Ali Kamwe amedokeza mpango wa timu hiyo kumtambulisha mchezaji mpya kwenye uwanja wa Bukombe.
Kamwe amesema mchezaji huyo amejumuishwa kwenye kikosi kilichoondoka jijini Dar es salaam mapema leo kuelekea Ushirombo kwenye hafla ya ufunguzi wa uwanja wa Bukombe.
"Leo tuna matukio makubwa mawili, tukio la kwanza ni uzinduzi wa wiki ya Mwananchi halafu tukio la pili ni kushiriki uzinduzi wa uwanja wa Bukombe"
"Kwa hamasa tunayoiona Wanayanga wakiitikia kwelikweli niwaambie tu leo tumewaletea zawadi ya kumtambulisha mchezaji mwingine wa Yanga tukiwa ndani ya uwanja wa Bukombe," alisema Kamwe
Aidha, msemaji huyo wa mabingwa wa nchi pia akafichua kuwa baada ya utambulisho huo bado hawajamaliza kwani kuna mchezaji mwingine atatambulishwa katika siku chache zijazo.
"Leo tunatambulisha mmoja halafu kuna mwingine ambaye tukija kumtambulisha watu watatafutana. Huko aliko saa izi watu wanafanya nae mazoezi wanaamini ni wa kwao," alitamba Kamwe.
