Katika mechi ya pili mfululizo jana kiungo Maxi Nzengeli aliondoka na tuzo ya nyota wa mchezo baada ya kuiongoza Yanga kuibuka na ushindi wa mabao 4-1 dhidi ya Coastal Union katika mchezo wa ligi kuu ya NBC uliopigwa uwanja wa KMC Complex.
Maxi alikuwa miongoni mwa wafungaji katika mchezo huo ambao Yanga ilitawala kwa dakika zote 90.
Maxi ameanza vyema msimu kwani licha ya kubeba tuzo hizo, pia amefunga bao kwenye kila mchezo akiwa miongoni mwa wachezaji wachache waliofunga mabao mawili baada ya mechi mbili.
Tangu ujio wa kocha Manqoba Mngqithi, Maxi amekuwa akitumika kama kiungo namba 8, akin'gara safu ya kiungo akishirikiana na Duke Abuya na Mudathir Yahya ambaye pia jana alifunga bao lake la kwanza msimu huu.
Licha ya mabadiliko ya makocha katika misimu mitatu, Maxi ameendelea kuwa na uhakika wa nafasi kwenye kikosi cha kwanza.
