Nyota wa Yanga Clement Mzize na Dickson Job wamejumuishwa kwenye msafara wa kikosi cha Yanga kilichoondoka mapema leo jijini Dar es salaam kuelekea Botswana tayari kwa mchezo wa mkondo wa kwanza hatua ya awali ligi ya mabingwa dhidi ya Gaborone United.
Mchezo huo utapigwa Jumamosi, Septemba 05 huko Gaborone, saa 2 usiku kwa saa za Tanzania.
Baada ya kikosi cha Yanga kuwasili Johannesburg Afrika Kusini kuunganisha ndege ya kuelekea Botswana, Mzize na Job wao wamesalia Afrika Kusini kwa ajili ya uchunguzi wa kiafya.
Meneja wa Habari na Mawasiliano wa Yanga Ali Kamwe amethibitisha kuwa Mzize na Job watafanyiwa uchunguzi kubaini kama wamepona majeraha yaliyowaweka nje kwa muda mrefu.
"Kabla ya wachezaji hao kurejea kwenye majukumu yao lazima tujiridhishe kama wamepona sawa sawa ili isije kutokea ikawa wamewahishwa kurejea uwanjani kabla ya kupona sawasawa," alisema Kamwe.
Nyota hao wamerejea kwenye hospitali ambayo walifanyiwa upasuaji awali na endapo itabainika wamepona sawasawa, huenda wakashuhudiwa kikosini karibun
