Wachezaji tisa wa Yanga wameitwa tmu za Taifa kwa ajili ya mechi za kuwania kufuzu michuano ya Afcon 2027.
Ligi Kuu imesimama kwa takribani wiki tatu kupisha kalenda ya FIFA ambapo wachezaji hao wanakwenda kutekeleza majukumu.
Meneja wa Habari na Mawasiliano wa Yanga Ali Kamwe amethibitisha nyota hao kupokea wito kutoka kwa Mataifa yao
Nyota wa Yanga walioitwa kikosi cha timu ya Taifa ya Tanzania 'Taifa Stars' ni Ibrahim Bacca, Bakari Mwamnyeto, Dickson Job, Clement Mzize na Seleman Mwalimu.
Nyota wa kigeni wanaokwenda kwenye majukumu ya timu za Taifa ni Djigui Diarra (Mali), Peter Shalulile (Namibia), Albert Kangwanda (Zambia) na Hussein Zakuane (Comoro).
Wakati wachezaji hao wakikosekana, Kamwe amesema kocha mpya wa timu hiyo ataandaa program maalum ya mazoezi kwa ajili ya wachezaji waliobaki ili kujiandaa na mechi zinazofuata baada ya mapumziko ya FIFA.
Kamwe amesema uongozi utafanya tathmini mapendekezo ya kocha kuona kama wanaweza kuweka kambi maalum nje ya nchi ili kumpa nafasi kocha mpya kuweka sawa mikakati ya maboresho ya timu.
