Yanayojiri Urusi : Ujerumani yaondoshwa michuano ya kombe la dunia

Mabingwa watetezi wa michuano ya kombe la dunia Ujerumani wameondoshwa kwenye michuano hiyo baada ya kulazwa mabao 2-0 na Korea Kusini.

Licha ya kumiliki mpira kwa muda mwingi, ubutu wa safu ya ushambuliaji ya mabingwa hao wa mwaka 2014 umewaondosha mapema kwenye michuano hiyo.

Ujerumani imefunga mabao mawili pekee kwenye michuano hiyo, ikishinda mchezo mmoja dhidi ya Sweden na kupoteza michezo miwili.

Ujerumani imemaliza mkiani kundi F baada ya kipigo hicho na kuziacha Sweden na Mexico zikitinga hatua ya mtoano.

Sweden imemaliza kileleni kwenye kundi hilo baada ya kuifumua Mexico mabao 3-0.

Saa tatu usiku michezo miwili ya kundi E itapigwa sambamba ambapo Uswisi itachuana na Costa Rica huku Brazil ikiumana na Serbia