Zahera kuiongoza Yanga kwa mara ya kwanza leo

Kocha Mkuu wa Yanga Mwinyi Zahera leo atakuwa kwenye benchi kuwaongoza vijana wake kwa mara ya kwanza baada ya kupata vibali.

Tangu ajiunge na mabingwa hao wa kihistoria Tanzania Bara, Zahera amekuwa akiishuhudia michezo ya Yanga akiwa jukwaani kutokana na kukosa vibali.

Leo saa moja jioni Yanga itashuka kwenye uwanja wa Taifa kuikabili Gor Mahia katika mchezo wa kombe la Shirikisho, mzunguuko wa nne.

Ushindi ndio matokeo muhimu zaidi kwa Yanga ili kuwa na nafasi ya kutinga robo fainali ya michuano hiyo.