Mkwasa atoka Hospitalini India

Aliyekuwa Katibu Mkuu wa Yanga Charles Mkwasa ametoka Hospitalini nchini India baada ya kufanyiwa upasuaji wa moyo.

Mkwasa alisafirishwa kutibiwa nchini India mwanzoni mwa mwezi huu baada ya kubainika kuwa na matatizo ya moyo yaliyopelekea ajiuzulu wadhifa wake kwenye klabu ya Yanga.

Mkwasa ambaye amewahi kuichezea klabu ya Yanga kwa mafanikio, bado yuko nchini India akiwa chini ya uangalizi wa madaktari kabla ya kuruhusiwa kurejea nchini.

Mke wa mkongwe huyo, Betty Mkwasa amethibitisha mumewe kupewa ruhusa ya kutoka Hospitalini.

“Anaendelea vizuri sana kiafya na sasa ame­shatoka hospitali, tupo hotelini licha ya kuwa bado yupo chini ya uangal­izi wa daktari Nilesh,” Betty Mkwasa aliliambia gazeti la Championi