Mabingwa wa kihistoria Tanzania Bara, Yanga wameendeleza rekodi ya ushindi kwa asilimia 100 baada ya kuilaza Singida United mabao 2-0 kwenye mchezo wa ligi kuu ya Tanzania Bara uliopigwa Jumapili usiku uwanja wa Taifa.
Ilikuwa ni siku nzuri kwa Amisi Tambwe aliyerejea rasmi dimbani kukisaka kiatu cha dhahabu msimu huu baada ya kufunga mabao yote mawili ya Yanga.
Tambwe aliifungia Yanga bao la kwanza kwenye dakika ya 29 akimalizia kwa kichwa mpira wa adhabu uliopigwa na Ibrahim Ajib.
Hilo lilikuwa bao la tano kutengenezwa na Ajib katika michezo minne aliyocheza akiwa pia amefunga bao moja.
Tambwe huyo huyo akafunga bao la pili kwenye dakika ya 45 kwa shuti la chinichini akimalizia krosi ya Gadiel Michael.
Yanga ilikwenda mapumziko ikiwa kifua mbele kwa mabao 2-0.
Kipindi cha pili Yanga ilicheza kwa kujihami zaidi huku ikitumia mashambulizi ya kushitukiza.
Tofauti na michezo iliyopita, leo wachezaji wa Yanga walionekana kwenda na kasi ya mchezo katika kipindi cha pili wakijilinda vyema huku wakishambulia kwa kasi kila wanapopata nafasi.
Aidha mlinda lango Beno Kakolanya amedhihirisha kwa nini mashabiki wa Yanga wanataka awe namba moja kwa kuokoa michomo mikali iliyokuwa inaelekezwa langoni kwa Yanga.
Ushindi huo umeiipeleka Yanga kileleni mwa msimamo wa ligi baada ya kufikisha alama 12 kutoka michezo minne.
Yanga pia ina michezo miwili ya kiporo.
Mchezo unaofuta ni Jumapili ijayo, Septemba 30 dhidi ya Simba.
Ilikuwa ni siku nzuri kwa Amisi Tambwe aliyerejea rasmi dimbani kukisaka kiatu cha dhahabu msimu huu baada ya kufunga mabao yote mawili ya Yanga.
Tambwe aliifungia Yanga bao la kwanza kwenye dakika ya 29 akimalizia kwa kichwa mpira wa adhabu uliopigwa na Ibrahim Ajib.
Hilo lilikuwa bao la tano kutengenezwa na Ajib katika michezo minne aliyocheza akiwa pia amefunga bao moja.
Tambwe huyo huyo akafunga bao la pili kwenye dakika ya 45 kwa shuti la chinichini akimalizia krosi ya Gadiel Michael.
Yanga ilikwenda mapumziko ikiwa kifua mbele kwa mabao 2-0.
Kipindi cha pili Yanga ilicheza kwa kujihami zaidi huku ikitumia mashambulizi ya kushitukiza.
Tofauti na michezo iliyopita, leo wachezaji wa Yanga walionekana kwenda na kasi ya mchezo katika kipindi cha pili wakijilinda vyema huku wakishambulia kwa kasi kila wanapopata nafasi.
Aidha mlinda lango Beno Kakolanya amedhihirisha kwa nini mashabiki wa Yanga wanataka awe namba moja kwa kuokoa michomo mikali iliyokuwa inaelekezwa langoni kwa Yanga.
Ushindi huo umeiipeleka Yanga kileleni mwa msimamo wa ligi baada ya kufikisha alama 12 kutoka michezo minne.
Yanga pia ina michezo miwili ya kiporo.
Mchezo unaofuta ni Jumapili ijayo, Septemba 30 dhidi ya Simba.
ADVERTISE HERE
