Yanga kamili kuikabili KMC leo

Leo Alhamisi mabingwa wa kihistoria wa Tanzania Yanga wanashuka kwenye uwanja wa Taifa kuikabili KMC katika mchezo wa ligi kuu ya Tanzania Bara mzunguuko wa 11.

KMC itakuwa mwenyeji wa mchezo huo unaotarajiwa kuanza saa moja usiku.

Yanga itakuwa inashuka dimbani kwa mara ya nane, ikiwa imeshinda michezo sita na kutoka sare mchezo mmoja mpaka sasa.

Ushindi utairudisha Yanga kwenye nafasi ya pili inayokaliwa na Simba ambayo jana iliwalaza vibonde Alliance kwa mabao 5-1

Kuelekea mchezo huo, jana kocha Mkuu wa Yanga Mwinyi Zahera alisema wataikabili Mbao Fc kwa tahadhari kubwa.

KMC inanolewa na kocha Ettiene Ndayiragije ambaye kabla ya kutua katika timu hiyo mwanzoni mwa msimu huu, alikuwa akiinoa Mbao FC.

Wakati akiinoa Mbao Fc, Ndayiragije anafahamika kwa kuwapa wakati mgumu Wana Jangwani kwani ndiye aliyeiwezesha Mbao kushinda michezo yote dhidi ya Yanga iliyopigwa kwenye dimba la CCM Kirumba.

Hata hivyo leo atakumbana na Yanga tofauti kabisa na ile aliyokumbana nayo miaka ya nyuma.

Zahera amesema malengo waliyojiwekea ni kuhakikisha wanapata matokeo mazuri kwenye michezo yote inayopigwa jijini Dar es salaam.

Kikosi cha Zahera kina majeruhi wawili tu Juma Mahadhi na Baruani Akilimali huku beki Andrew Vicent akitarajiwa kukosa mchezo huo kutokana na kufungiwa michezo mitatu