Tshishimbi arejea kikosini

Baada ya kuwa nje kwa wiki kadhaa kutokana na majeruhi, kiungo wa Yanga Mcongomani Papi Tshishimbi amerejea kikosini baada ya kuanza mazoezi juzi.

Tshishimbi amekuwa akisumbuliwa na matatizo ya kifundo cha mguu yaliyomfanya akose michezo mitatu iliyopita ya Yanga.

Bado msimu huu haujawa mzuri kwa Tshishimbi aliyetua kwa kishindo msimu uliopita akitoka klabu ya Mbabane Swallows ambayo mwishoni mwa mwezi huu itakuja nchini kuchuana na Simba kwenye mchezo wa ligi ya mabingwa.

Tshishimbi huenda akawa sehemu ya kikosi cha Yanga ambacho Jumapili Novemba 18 kitashuka uwanja wa Majaliwa wilayani Ruangwa kuikabili Namungo Fc kwenye mchezo wa kirafiki