Manji 'apigwa stop' kurejea Yanga

Kikao cha Kamati ya Utendaji ya Yanga na Kamati ya uchaguzi ya TFF kimefikia makubaliano ya kuendelea na mchakato wa uchaguzi wa kujaza nafasi zote zilizowazi ikiwemo ya Mwenyekiti

Viongozi wa Kamati hizo walikutana leo katika kikao kilichosaka mwafaka wa hatma ya nafasi ya Mwenyekiti baada ya Manji kuandika barua ya kuridhia kurejea kwenye nafasi yake wakati nafasi hiyo ikiwa imetangazwa kuwa wazi.

Akizungumzia maamuzi ya kikao hicho, Mwenyekiti Kamati ya Uchaguzi TFF Malangwe Ally Mchungahela amesema imebainika Mkutano Mkuu wa Yanga hauna uwezo wa kumrejesha Manji katika nafasi yake.

Kufanya hivyo ni kuvunja Katiba ya Yanga.

Amesema kwa mujibu wa katiba ya Yanga, Manji alipoteza nafasi yake baada ya kuwasilisha barua yake ya kujiuzulu

Amesema Katiba ya Yanga inabainisha kuwa Mkutano Mkuu unaweza kubadili kanuni na kurekebisha katiba yenyewe lakini si kumrudisha kiongozi aliyejiuzulu

Kwa maana hiyo njia pekee kwa Manji kurejea katika nafasi hiyo ni kugombea katika uchaguzi wa Januri 13 2019.

Bado kuna siku tatu kabla zoezi la kuchukua na kurudisha fomu kufungwa.