Kocha Mkuu wa Yanga amesema sio jambo la ajabu kwa mashabiki kuisaidia timu yao na amewashangaa wanaohoji kuhusu utaratibu huo unaotumiwa na Yanga.
Juzi akiwa nchini Ufaransa Zahera aliwataka wanachama na mashabiki wa Yanga kuichangia timu ili iweze kwenda mkoani Mbeya kwa usafiri wa Ndege. Na hatimaye leo timu imefanikiwa kwenda Mbeya kwa usafiri huo.
"Ni jambo la kawaida sana kwa mashabiki kuisaidia timu yao," amesema Zahera
"Timu kama Real Madrid, FC Barcelona zinaingiza pesa nyingi sana kwa utaratibu huo. Labda ni hapa Tanzania tu ambapo huo utaratibu bado haujazoeleka"
"Wale mashabiki wenye mapenzi ya kweli na timu zao wanakuwa tayari kuzisaidia. Sasa sisi kuwaomba mashabiki wetu kuichangangia timu kuna jambo gani la ajabu? "
Zahera amewashukuru mashabiki waliochangia timu na kufanikisha safari ya mkoani Mbeya akiahidi wao watalipa fadhila hiyo kwa kuhakikisha timu inapata ushindi.
