Kocha Mkuu wa Azam Fc Hans van Pluijm amesema juzi timu yake ililazimika kufanya kazi ya ziada kupata ushindi wa mabao 3-0 dhidi ya Yanga kwenye mchezo wa kombe la Mapinduzi.
Pluijm amesema licha ya timu yake kushinda mchezo huo, vijana wa kikosi cha Yanga walicheza vizuri na kuonyesha upinzani mkali
Yanga inashiriki michuano ya kombe la Mapinduzi ikitumia kikosi cha vijana kilichoongezewa nguvu na wachezaji watano wa kikosi cha kwanza
"Nawapongeza vijana wa Yanga kwa kucheza vizuri na kuonyesha ushindani licha ya kuwa wengi wao hawana uzoefu wa kutosha," alisema
Nae mshambuliaji wa Azam Fc Obrey Chirwa aliyefunga mabao mawili kwenye mchezo huo amesema anafahamu ushindi huo wameupata dhidi ya Yanga isiyo kamili
Amesema atafurahi kama atafunga siku atakapokutana na Yanga Halisi
Yanga leo inashuka kwenye dimba la Amaan kucheza mchezo wake wa tatu dhidi ya Malindi Fc, mchezo ambao inahitaji kushinda ili kuweka hai matumaini ya kusonga mbele kwenye michuano hiyo
