Droo ya raundi ya nne ya michuano ya kombe la Shirikisho (ASFC) imefanyika leo jijini Dar es salaam ambapo vinara wa ligi kuu ya Tanzania Bara Yanga watacheza na Biashara Fc katika mchezo ambao utapigwa uwanja wa Taifa.
Michezo ya raundi ya nne itapigwa kati ya Januari 25-28
Washindi wa raundi ya nne watatinga hatua ya 16 bora ya michuano hiyo ambayo bingwa ataiwakilisha Tanzania Bara kwenye michuano ya kombe la Shirikisho Barani Afrika (CAF CC)
Kama itafanikiwa kutinga hatua ya 16 bora (raundi ya tano), Yanga itacheza na mshindi kati ya Mighty Elephant dhidi ya Namungo Fc, mchezo utakaopigwa ugenini kati ya Februari 22-25
Katika hatua nyingine, TFF imetangaza mchezo wa fainali wa michuano hiyo mwaka huu utapigwa mkoani Lindi katika uwanja wa Ilulu.
