Kiungo wa Yanga Thabani Kamusoko amefafanua juu ya ujumbe wake alioandika kwenye mitandao ya kijamii siku chache zilizopita ambao amesema ulieleweka vibaya kwa baadhi ya wadau wa klabu ya Yanga.
Kupitia ukurasa wake wa mtandao wa Instagram, Kamusoko amefafanua kuwa ujumbe huo ulikuwa kwa ajili ya kuwashukuru Wana Yanga kwa kuendelea kumuunga mkono tangu alipotua katika klabu hiyo misimu minne iliyopita
"Habari za jioni kwa mashabiki wangu na wale wote wanaonipenda. Napenda kuchukua nafasi hii ili kueleza vizuri kuhusu post yangu ya juzi kwasababu naona watu wengine wamechukulia tofauti na wameiweka vibaya," ameandika Kamusoko
"Mimi nimeweka hiyo post kushukuru tu upendo kutoka kwenu mashabiki na watu wote wa Yanga sio kwamba eti nilimaanisha kua naondoka hapana"
"Mimi nimeona ni post ili watu waone kua na appreciate upendo ambao munanipa sio kwamba naondoka kwenye timu nadhani nimeliweka sawa. Asanteni sana," amefafanua Kamusoko
Huenda ujumbe huo ulieleweka vibaya kutokana na ukweli kwamba mkataba wa Kamusoko na Yanga unamalizika mwishoni mwa msimu na bado hakuna uhakika kama mkongwe huyo ataongeza mktaba mwingine kuendelea kuwatumikia mabingwa hao wa Kihistoria Tanzania.
