Vinara wa ligi kuu ya Tanzania Bara Yanga wako mkoani Shinyanga ambapo leo wanashuka katika dimba la Kambarage kuikabili Stand United
Yanga inayoshikilia rekodi ya kuwa timu pekee ambayo haijapoteza mchezo kwenye ligi msimu huu, itakuwa ikisaka alama tatu muhimu ili iendelee kujikita kileleni mwa msimamo wa ligi
Kocha Mkuu wa mabingwa hao wa kihistoria Mwinyi Zahera amesema mchezo huo utakuwa mgumu kutokana na matokeo ya mchezo wa kwanza ambao Yanga iliifunga Stand mabao 4-3
Katika mchezo huo Stand United ilionyesha upinzani mkali kwa Yanga na itataka kuendeleza pale ilipoishia na hasa ikizingatiwa itakuwa ikicheza katika dimba lake la nyumbani
Zahera amesema amewaagiza vijana wake kuhakikisha wanajituma ili kuweza kuibuka na ushindi kwenye mchezo huo
Mchezo utapigwa saa kumi kamili jioni
