Kiungo Mohammed Issa 'Banka' tayari ameanza kujifua na kikosi cha Yanga akitarajiwa kuanza kuonekana rasmi dimbani Februari 08 2019
Banka huenda akaichezea Yanga kwenye mchezo dhidi ya JKT Tanzania utakaopigwa dimba la Mkwakwani, Februari 09 2019
Kiungo huyo mwenye 'mapafu ya Mbwa' atauwahi mchezo wa watani wa jadi dhidi ya Simba utakaopigwa Februari 16 katika dimba la Taifa
Kocha Mkuu wa Yanga Mwinyi Zahera amesema Banka ataongeza nguvu na kasi ya mashambulizi Yanga.
Amesema licha ya kutocheza kwa zaidi ya miezi 10, Banka anaonyesha uwezo mkubwa mazoezini huku akionekana 'yuko fit'
Ujio wa Banka ni habari nzuri kwa Yanga ambayo haikufanya usajili mkubwa wakati wa dirisha dogo kutokana na changamoto za kiuchumi
Banka atakuwa kama usajili mpya. Yanga iliwasajili Haruna Moshi 'Boban' na Ibrahim Hamid pekee.
Mwenyewe amesema anasubiri kwa hamu kuanza kuitumikia Yanga iliyomsajili kutoka klabu ya Mtibwa Sugar
Amesema atashirikiana na wachezaji waliopo kuhakikisha Yanga inatwaa ubingwa wa ligi kuu msimu huu
