Kocha Mkuu wa Yanga Mwinyi Zahera amesema katika michezo ya hivi karibuni mabeki wa timu hiyo wamekuwa wakifanya makosa ya waziwazi yanayopelekea kufungwa mabao mepesi
Yanga imeruhusu mabao manne katika michezo miwili iliyopita.
Iliruhusu bao moja dhidi ya Stand United na ikaruhusu mabao matatu kwenye mchezo dhidi ya Kariobang Sharks
Zahera amesema anafanyia kazi tatizo hilo ili kuhakikisha walinzi wake wa kati na wale wa pembeni hawafanyi makosa yatakayoigharimu zaidi timu
Licha ya mashabiki kumtupia lawama mlinda lango Klaus Kindoki, Zahera amesisitiza katika michezo miwili iliyopita, mabao iliyofungwa Yanga hayatokani na makosa ya kipa
"Tumekuwa tunafanya makosa makubwa mabeki wa kati na hata wa pembeni wamekuwa wakitusababishia matatizo, Zahera amenukuliwa na Mwanaspoti
"Tunafanya kazi sasa ya kuondoa kasoro hizo na tutaendelea na kazi hii, makosa kama haya hayatakiwi kutokea mara kwa mara kwa timu inayotaka kuchukua ubingwa."
Yanga inajifua katika uwanja wa chuo cha Polisi Kurasini jijini Dar es salaam ikijiandaa na mchezo wa kombe la FA (ASFC) dhidi ya Biashara United utakaopigwa Alhamisi, Januari 31 2019
