Ratiba sio rafiki kwetu, tutapambana - Hafidh

Mratibu wa Yanga Hafidh Saleh amesema baada ya mchezo wa jana wa kombe la FA dhidi ya Biashara United, kikosi cha Yanga kinaelekea mkoani Tanga kuikabili Coastal Union kwenye mchezo wa ligi kuu ya Tanzania Bara utakaopigwa keshokutwa Jumapili

Hafidh amesema Yanga inakabiliwa na ratiba isiyo rafiki kutokana na ukaribu wa michezo yake hata hivyo amesema hawana jinsi, watapambana kuhakikisha wanafanya vizuri katika michezo yao yote.

Baada ya mchezo dhidi ya Coastal Union Yanga itaelekea mkoani Singida kuikabili Singida United kisha kurudi tena Tanga kuikabili JKT Tanzania

Mtiririko wa ratiba hii umewashangaza wengi kwani kama ingepangwa vizuri, Yanga ingeweza kucheza michezo yote miwili ya mkoani Tanga kisha kuelekea mkoani Singida