Mwenyekiti wa Kamati ya Mashindano ya Yanga Hussein Nyika amemtaka Hans Mabena ambaye ndiye atakuwa mwamuzi wa mchezo wa ligi kuu ya Tanzania Bara kati ya Yanga dhidi ya Simba utakaopigwa keshokutwa Jumamosi kwenye uwanja wa Taifa, achezeshe mchezo huo bila upendeleo
Nyika amesema wanatambua Mabena ni mwamuzi mzuri lakini wanamkumbusha kuwa ahakikishe anachezesha mchezo huo kwa kufuata Sheria 17 za mpira wa miguu
"Hatuna tatizo na uteuzi wa Mabena kuchezesha mchezo wetu dhidi ya Simba lakini tunamkumbusha afuate sheria 17 za mchezo wa soka ili mshindi wa mchezo huo apatikane kihalali," amesema Nyika
"Haitakuwa mara ya kwanza kwake kuchezesha michezo ya Yanga, tumetoa tahadhari kutokana na uzoefu tulioupata kutoka michezo yetu ambayo amewahi kuchezesha"
Aidha kuelekea mchezo wa keshokutwa, Nyika amesema maandalizi ya kikosi cha Yanga mkoani Morogoro yanaendelea vizuri, wachezaji wana ari kubwa kuelekea mchezo huo
