Msemaji wa klabu ya Yanga Dismas Ten amewataka mashabiki wa timu hiyo kujitokeza kwa wingi uwanja wa Taifa kuiunga mkono timu yao itakapokuwa ikipepetana na watani zao Simba
Akizungumza na waandishi wa habari leo Makao Makuu ya klabu hiyo, Ten amesema wanahitaji nguvu ya mashabiki kesho ili kuhakikisha wanaondoka na alama zote tatu
Ten amesema muda wa mchezo wa kesho ni saa kumi kamili jioni na viingilio VIP A ni Tsh 30,000/-, VIP B na C ni Tsh 20,000/- na Mzunguuko Tsh 7,000/-
Katika hatua nyingine Ten amewataka Azam TV kuitendea haki timu hiyo kwani wamekuwa wakichagua matukio ya kurudia kwenye michezo ambayo Yanga iko dimbani
"Tulipocheza na Coastal Union kuna tukio mlinda lango wa Coastal Union alidakia mpira ndani ya nyavu lakini tukio hilo halikurudiwa kabisa," amesema
"Makambo alifunga bao safi katika mchezo dhidi ya Coastal lakini tukio hilo halikupewa uzito ukilinganisha na tukio la Ninja"
"Aidha katika mchezo dhidi ya JKT Tanzania Yondani alifanyiwa tukio baya sana lakini halikuonyeshwa"
