Tumpe pesa Zahera, msimu ujao tutaipenda Yanga

Binafsi nimefurahishwa na kiwango kilichoonyeshwa na Yanga leo kwenye mchezo dhidi ya Simba licha ya kupoteza mchezo huo

Ni bahati mbaya tu matokeo hayakuwa upande wetu, lakini hakika kazi imefanyika, wachezaji na benchi la Ufundi wanastahili pongezi

Ni mwito kwa Wana Jangwani kuendelea kuichangia timu ipate uwezo wa kufanya mabadiliko makubwa msimu ujao

Kwa sasa hakuna njia ya mkato, ni lazima Wana Yanga tujitoe kuisaidia timu wakati mipango mingine ikiendelea

Kocha Mwinyi Zahera ameonyesha njia, Wana Jangwani hatupaswi kumuangusha.

Licha ya mazingira yaliyopo, Zahera ameweza kutengeneza timu inayoweza kupambana

Hakuna shaka akipatiwa uwezo atafanya mambo makubwa zaidi