Jana jioni Azam Fc ilikuwa timu ya nane kutinga robo fainali ya michuano ya kombe la FA (ASFC) baada ya kuilaza Rhino Rangers mabao 3-0 katika mchezo uliopigwa uwanja wa Azam Complex
Kuelekea droo ya hatua ya robo fainali, winga wa Yanga Deus Kaseke amesema timu hiyo iko tayari kuchuana na timu yoyote katika hatua ya robo fainali
Kaseke amesema kikosi cha Yanga kimekuwa kikijiandaa kupambana na timu yoyote inakuja mbele yao
"Siri ya ushindi ni kujituma na kufuata maelekezo ya kocha, tupo tayari kukutana na timu yoyote kwenye robo fainali," amesema Kaseke.
Kaseke alihusika kwenye ushindi wa Yanga dhidi ya Namungo Fc krosi yake ya dakika ya 83 ikitendewa haki na Heritier Makambo kuifungia Yanga bao la ushindi
Timu zilizotinga robo fainali ni Yanga, Azam fc, Kagera Sugar, KMC, African Lyon, Singida United, Lipuli Fc na Alliance Fc
