Baruani Yahya naye ameanza mazoezi

Winga anayetajwa kuwa mrithi wa Simon Msuva, Baruani Yahya ameanza mazoezi baada ya kuwa nje kwa wiki kadhaa kutokana matatizo ya misuli.

Baruani aliumia wakati timu ilipokuwa kambini kisiwani Pemba, akarejea dimbani lakini akatonesha tena majeraha hivyo kukosa mchezo wa Ngao ya Jamii dhidi ya Simba na pia mchezo wa kwanza wa ligi dhidi ya Lipuli.

Baruani alisajiliwa na Yanga akiwa mchezaji huru akitokea nchini Uganda ambako alimaliza masomo yake ya kidato cha sita.