Kocha Msaidizi wa Yanga Noel Mwandila ndiye atakayekiongoza kikosi cha timu hiyo kwenye mchezo wa ligi kuu dhidi ya Lipuli Fc utakaopigwa mkoani Iringa baada ya kocha Mkuu Mwinyi Zahera kutimkia nchini Congo kutimiza majukumu ya timu ya Taifa
Yanga inatarajiwa kuelekea mkoani Iringa kuikabili Lipuli Fc 'Wana Paluhengo' March 16 2019
Mwandila amesema Zahera amemuachia program zote za maandalizi kuelekea mchezo huo hivyo hakuna kitakachoharibika
Baada ya kutoka kwenye kipindi kigumu, Yanga imekuwa na mwenendo mzuri wa matokeo kwa siku za hivi karibuni ikifanikiwa kushinda michezo mitano mfululizo, michezo minne ya ligi na mmoja wa kombe la FA
Ushindi kwenye mchezo huo utaifanya Yanga ifikishe alama 70 na kuzidi kujichimbia kileleni mwa msimamo wa ligi.
