Sare kwetu ni sawa na kupoteza - Kamusoko

Kiungo fundi wa Yanga Thabani Kamusoko amesema kesho watashuka katika uwanja wa Samora mkoani Iringa kusaka alama tatu muhimu ili kuendelea kujiimarisha kileleni mwa msimamo wa ligi

Kamusoko amesema kila mchezo wanasaka alama tatu, matokeo ya sare kwao ni sawa na kupoteza

"Sisi kwetu kutoka sare ni sawa na kufungwa. Ukiwa mchezaji wa Yanga, ukiingia uwanjani mawazo yote yako kwenye ushindi," amesema Kamusoko

"Hatupendi kufungwa wala kutoka sare, ndio maana huwa tukipoteza mchezo tunasikitika sana"

Kamusoko yuko na kikosi cha Yanga mkoani Iringa na huenda kesho akavaa kitambaa cha unahodha kuiongoza Yanga katika mchezo dhidi ya Lipuli Fc kesho