Kocha Mkuu wa Yanga Mwinyi Zahera amesema kikosi chake kimejiandaa kuibuka na ushindi kwenye mchezo wa robo fainali kombe la FA dhidi ya Alliance Fc ili kutinga nusu fainali ya michuano hiyo
"Tumejiandaa vizuri kupata ushindi mchezo wa kesho. Tunafahamu hautakuwa rahisi lakini nimewaambia wachezaji wangu wajitume ili tuweze kushinda," amesema Zahera
"Tulishasema, michuano hii tumeipa kipaumbele, tukichukua kombe tutajihakikishia nafasi ya kushiriki michuano ya Kimataifa msimu ujao"
Aidha akizungumzia kukosekana kwa baadhi ya wachezaji, Zahera amesema kikosi chake hakitegemei mchezaji mmoja, mchezo wa kesho hautakuwa wa kwanza kwa wachezaji hao kukosekana
"Hii sio mara ya kwanza, Ajib, Ninja hata Gadiel kukosekana. Huko nyuma tumeshacheza bila wao na tukashinda"
"Naamini wachezaji waliopo wataweza kutupatia matokeo mazuri"
Leo jioni Yanga imefanya mazoezi ya mwisho kwenye uwanja wa CCM Kirumba kujiandaa na mchezo huo utakaopigwa kesho saa kumi kamili jioni
