Kocha Mkuu wa Yanga Mwinyi Zahera amesema wamejiandaa kikamilifu kupata ushindi kwenye mchezo wa ligi kuu dhidi ya Mtibwa Sugar hapo kesho utakaopigwa katika uwanja wa Jamhuri
Zahera amesema Yanga bado iko kwenye mbio za kuwania ubingwa hivyo malengo yao ni kushinda michezo yote iliyobaki
Kocha huyo msaidizi wa timu ya Taifa ya DR Congo amesema haoni timu ya kuizuia Yanga isipate matokeo kwenye michezo iliyobaki
"Sijaona timu ambayo inaweza kutusumbua kama wachezaji wangu watafanya kile ninachowaelekeza, hakuna mechi ngumu, ila kuna ushindani kwenye ligi, tumefaulu kwa kushinda mechi zilizopita, na zilizoko mbele yetu pia tutahakikisha tunashinda, hayo ndiyo malengo yetu," amesema Zahera
Kikosi cha Yanga kiko mkoani Morogoro tangu jana ambapo leo wanatarajia kufanya mazoezi ya mwisho katika uwanja wa Jamhuri ambao utatumika katika mchezo huo
Kesho Yanga huenda ikaongozwa na nahodha wake Ibrahim Ajib aliyerejea kikosini baada ya kupona majeraha ya nyonga
Yanga imepania kushinda mchezo wa kesho ili kuendelea kujikita kileleni kabla ya mchezo dhidi ya Azam Fc utakaopigwa April 29
