Vinara wa ligi kuu Yanga wako mkoani Morogoro ambapo leo saa nane mchana watashuka uwanja wa Jamhuri kuikabili Mtibwa Sugar
Baada ya kuzoa alama zote sita kwenye michezo miwili iliyochezwa uwanja wa nyumbani CCM Kirumba, Yanga inasaka alama nyingine tatu ugenini ili kuendelea kujikita kileleni mwa msimamo wa ligi wakati huu wa lala salama
Vijana wa kocha Mwinyi Zahera walifanya mazoezi ya mwisho jana kuelekea mchezo huo ambao muda wa kuanza ulibadilishwa ili kuwapa nafasi mashabiki kushuhudia mchezo wa AFCON U17 kati ya Tanzania dhidi ya Uganda utakaopigwa saa kumi jioni
Zahera amesema kikosi chake kiko katika kiwango bora na anaamini wana nafasi kubwa ya kuibuka na ushindi kwenye mchezo wa leo
Katika mchezo wa leo Yanga itamtegemea kinara wake wa mabao Heritier Makambo ambaye amefunga mabao matatu kwenye michezo miwili iliyopita
Aidha kurejea kwa nahodha Ibrahim Ajib ni habari njema kwa Yanga ambayo itawakosa baadhi ya nyota wake Kelvin Yondani na Feisal Salum wanaotumikia adhabu za kadi nyekundu na njano
