FT : Njombe Mji 0-1 Yanga

Mabingwa watetezi ligi kuu ya Vodacom, Yanga wamepata ushindi wa kwanza msimu huu baada ya kuifunga Njombe Mji bao 1-0.

Mchezo huo uliopigwa kwenye dimba la Sabasaba mkoani Njombe ulikuwa mkali kwani kila timu ilikuwa ikisaka ushindi wake wa kwanza msimu huu.

Yanga iliyotawala zaidi kwenye kipindi cha kwanza ilipata bao pekee kwenye dakika ya 15 kupitia mpira wa adhabu uliopigwa na Ibrahim Ajib pembeni kidogo karibu na kibendera cha kona.



Njombe Mji iliyokuwa nyumbani ilitawala zaidi kwenye kipindi cha pili ikijaribu kusaka bao la kusawazisha. Hata hivyo mlinda lango wa Yanga Youthe Rostand alikuwa kikwazo kikubwa.

Kwenye kipindi cha pili Yanga ilifanya mabadiliko ambapo Raphael Daudi alichukua nafasi ya Thabani Kamusoko aliyepata majeruhi, Obrey Chirwa aliingia kuchukua nafasi ya Donald Ngoma na Yusuph Mhilu akimbadilisha Emanuel Martini.

Mabadiliko hayo hayakubadili matokeo ya mchezo huo.

Yanga iliwakilishwa na;
1. Youthe Rostand
2. Juma Abdul
3. Gadiel Michael
4. Andrew Vicent
5. Kelvin Yondani
6. Papi Kabamba
7. Juma Mahadhi
8. Thaani Kamusoko/Raphael Daudi
9. Donald Ngoma/Obrey Chirwa
10. Ibrahi Ajib
11. Emanuel Martin/Yusuph Mhilu