Kikosi cha Yanga leo Ijumaa, saa kumi kamili jioni kitashuka kwenye uwanja wa Karume wilayani Musoma kuikabili Biashara United katika mchezo wa ligi kuu ya Tanzania Bara
Yanga iko Musoma tangu juzi ikijiandaa na mchezo huo ambao kocha Mkuu wa mabingwa hao wa kihistoria Mwinyi Zahera ameahidi ushindi
Baada ya kuondoshwa kwenye michuano ya kombe la FA, Yanga imebaki na michezo minne ya kufunga msimu
Kimahesabu, bado Yanga ina nafasi ya kutwaa ubingwa kama itashinda michezo yote na wakati huo huo wapinzani wao Simba wakakosa ushindi kwenye baadhi ya michezo yao
Wakati Yanga ikiwa Musoma, Simba itakuwa uwanja wa Taifa kucheza na Kagera Sugar katika mchezo utakaopigwa uwanja wa Uhuru
ADVERTISE HERE
