Ligi kuu msimu huu ndio kwanza imeanza sasa inaelekea mzunguuko wa tatu ambapo Jumamosi ijayo Septemba 16 Yanga itakuwa ugenini ikichuana na Majimaji mkoani Ruvuma.
Yanga ina alama nne baada ya kushinda mchezo mmoja na kutoka sare mchezo mmoja.
Ukiangalia msimamo wa ligi baada ya michezo miwili, Mtibwa Sugar ndio inaongoza ikiwa imejikusanyia alama sita. Simba, Prisons, Lipuli, Yanga na Azam zote zina alama nne zinatofautiana kwa mabao tu.
Licha ya Yanga kuwa miongoni mwa timu ambapo hazijapoteza mchezo kuna baadhi ya mashabiki wanalalamika kuwa kocha George Lwandamina hafai na hataisaidia Yanga kutwaa taji msimu huu.
Maoni ya wengi ni kuwa kocha hana mbinu za kuiwezesha Yanga kutwaa ubingwa licha ya kuwa na kikosi bora.
Wamesahau ni huyu huyu Lwandamina anayeambiwa hana mbinu aliiwezesha Yanga kutwaa taji la tatu mfululizo akiwa kwenye mazingira magumu.
Ikumbukwe msimu uliopita Lwandamina aliichukua Yanga kutoka mikononi mwa kocha Hans van Pluijm ikiwa na matatizo lukuki.
Majeruhi, wachezaji kugoma mara kadhaa kutokana na kutolipwa mishahara kwa miezi hadi mitatu. Kuna kipindi Yanga ilikuwa nyuma ya Simba kwa tofauti ya alama tisa lakini ikafanikiwa kutwaa ubingwa.
Ni vyema mashabiki wakawa na utamaduni wa kuwa na timu kwenye mazingira yote.
Inafahamika mwanzoni mwa msimu huu Lwandamina amewakosa wachezaji wake muhimu kutokana na sababu mbalimbali. Obrey Chirwa, Amissi Tambwe na Simon Msuva ndiyo waliipa Yanga ubingwa msimu uliopita.
Msuva amekwenda Morocco, Chirwa ndio kwanza amerejea dimbani wiki iliyopita huku Tambwe akiwa bado majeruhi.
Ni dhahiri Lwandamina alikuwa amejenga kikosi chake kuwategemea Msuva, Tambwe na Chirwa kupata mabao lakini sasa analazimika kubadili mfumo kulingana na wachezaji waliopo.
Msuva, Tambwe na Chirwa waliifungia Yanga jumla ya mabao 37 msimu uliopita. Kukosekana kwao lazima kuiathiri Yanga katika upachikaji mabao.
Wote tunakubaliana Yanga haikuweza kuziba pengo la Msuva wakati wa dirisha la usajili. Huyu Msuva alichangia asilimia 80 ya mabao ya Yanga msimu uliopita. Iwe kwa kutengeneza au kufunga mwenyewe.
Ni kweli usiopingika kwamba wachezaji waliopo ambao wanacheza nafasi ya Msuva hakuna aliyemkaribia mkali huyo ambaye sasa anakipiga na Difaa El Jadida.
Kocha analazimika kubadili mbinu na atahitaji muda kujua mbinu gani atumie kuiwezesha timu ishinde bila ya Msuva.
Licha ya kwamba Yanga ina wachezaji mahiri kama Ibrahim Ajib na Donald Ngoma lakini bado wawili hao hawajaonyesha makali yao na wanahitaji muda.
Ngoma alikaa nje kwa muda mrefu kutokana na majeraha ni dhahiri ameathiriwa kwa kiasi fulani. Ngoma huyu tuliyemuona kwenye michezo kadhaa ya Yanga msimu huu sio yule tunayemfahamu. Je ni kosa la kocha pale mchezaji anapocheza chini ya kiwango?
HITIMISHO
Ni mapema sana kuanza kumlaumu kocha. Aachwe afanye kazi yake tusubiri baada ya michezo hata mitano tuone atakuwa amefanikiwa kwa kiasi gani.
Kwa sasa Yanga inafanya vizuri, na Habari njema ni kwamba muda si mrefu wachezaji wote waliokuwa majeruhi watakuwa kikosini.
Yanga ina alama nne baada ya kushinda mchezo mmoja na kutoka sare mchezo mmoja.
Ukiangalia msimamo wa ligi baada ya michezo miwili, Mtibwa Sugar ndio inaongoza ikiwa imejikusanyia alama sita. Simba, Prisons, Lipuli, Yanga na Azam zote zina alama nne zinatofautiana kwa mabao tu.
Licha ya Yanga kuwa miongoni mwa timu ambapo hazijapoteza mchezo kuna baadhi ya mashabiki wanalalamika kuwa kocha George Lwandamina hafai na hataisaidia Yanga kutwaa taji msimu huu.
Maoni ya wengi ni kuwa kocha hana mbinu za kuiwezesha Yanga kutwaa ubingwa licha ya kuwa na kikosi bora.
Wamesahau ni huyu huyu Lwandamina anayeambiwa hana mbinu aliiwezesha Yanga kutwaa taji la tatu mfululizo akiwa kwenye mazingira magumu.
Ikumbukwe msimu uliopita Lwandamina aliichukua Yanga kutoka mikononi mwa kocha Hans van Pluijm ikiwa na matatizo lukuki.
Majeruhi, wachezaji kugoma mara kadhaa kutokana na kutolipwa mishahara kwa miezi hadi mitatu. Kuna kipindi Yanga ilikuwa nyuma ya Simba kwa tofauti ya alama tisa lakini ikafanikiwa kutwaa ubingwa.
Ni vyema mashabiki wakawa na utamaduni wa kuwa na timu kwenye mazingira yote.
Inafahamika mwanzoni mwa msimu huu Lwandamina amewakosa wachezaji wake muhimu kutokana na sababu mbalimbali. Obrey Chirwa, Amissi Tambwe na Simon Msuva ndiyo waliipa Yanga ubingwa msimu uliopita.
Msuva amekwenda Morocco, Chirwa ndio kwanza amerejea dimbani wiki iliyopita huku Tambwe akiwa bado majeruhi.
Ni dhahiri Lwandamina alikuwa amejenga kikosi chake kuwategemea Msuva, Tambwe na Chirwa kupata mabao lakini sasa analazimika kubadili mfumo kulingana na wachezaji waliopo.
Msuva, Tambwe na Chirwa waliifungia Yanga jumla ya mabao 37 msimu uliopita. Kukosekana kwao lazima kuiathiri Yanga katika upachikaji mabao.
Wote tunakubaliana Yanga haikuweza kuziba pengo la Msuva wakati wa dirisha la usajili. Huyu Msuva alichangia asilimia 80 ya mabao ya Yanga msimu uliopita. Iwe kwa kutengeneza au kufunga mwenyewe.
Ni kweli usiopingika kwamba wachezaji waliopo ambao wanacheza nafasi ya Msuva hakuna aliyemkaribia mkali huyo ambaye sasa anakipiga na Difaa El Jadida.
Kocha analazimika kubadili mbinu na atahitaji muda kujua mbinu gani atumie kuiwezesha timu ishinde bila ya Msuva.
Licha ya kwamba Yanga ina wachezaji mahiri kama Ibrahim Ajib na Donald Ngoma lakini bado wawili hao hawajaonyesha makali yao na wanahitaji muda.
Ngoma alikaa nje kwa muda mrefu kutokana na majeraha ni dhahiri ameathiriwa kwa kiasi fulani. Ngoma huyu tuliyemuona kwenye michezo kadhaa ya Yanga msimu huu sio yule tunayemfahamu. Je ni kosa la kocha pale mchezaji anapocheza chini ya kiwango?
HITIMISHO
Ni mapema sana kuanza kumlaumu kocha. Aachwe afanye kazi yake tusubiri baada ya michezo hata mitano tuone atakuwa amefanikiwa kwa kiasi gani.
Kwa sasa Yanga inafanya vizuri, na Habari njema ni kwamba muda si mrefu wachezaji wote waliokuwa majeruhi watakuwa kikosini.
ADVERTISE HERE
