Yanga imemaliza vibaya ligi kuu ya Tanzania Bara msimu wa 2018/19 baada ya kukubali kipigo cha mabao 2-0 kutoka kwa Azam Fc katika mchezo uliopigwa uwanja wa Taifa
Mabao ya Daniel Amoah na Mudathir Yahya yalitosha kuihakikishia Azam Fc ushindi ikilipa kisasi cha kipigo cha bao 1-0 cha mchezo wa duru ya kwanza
Yanga ilikuwa bora kwenye kipindi cha kwanza lakini ilishindwa kuzitumia nafasi chache ilizotengeneza
Matokeo hayo hayabadili chochote kwenye msimamo wa ligi ambapo Yanga imemaliza katika nafasi ya pili ikiwa na alama 86 wakati Azam Fc imefikisha alama 75 na kubakia katika nafasi ya tatu
Ulikuwa ni msimu uliojaa changamoto nyingi kwa kikosi cha Yanga lakini hatimaye umemalizika salama
Mshambuliaji Heritier Makambo ameaga rasmi kunako klabu hiyo akimaliza msimu kwa kuifunga mabao 17
Makambo anakwenda kujiunga na klabu ya Horoya AC
Kocha wa Yanga Mwinyi Zahera amesema morali ya wachezaji wake ilikuwa chini leo pengine ni kutokana na mchezo huo kutokuwa na umuhimu
