Kocha Mkuu wa Yanga Mwinyi Zahera amefichua uamuzi wa kumpa unahodha kiungo Ibrahim Ajib aliufanya ili kumsaidia ajitambue na hatimaye kuwa na mchango katika klabu ya Yanga
Amesema baada ya kutambua kipaji cha kiungo huyo alimpa majukumu ya uongozi wa wenzie ili kumuongezea nidhamu na kumfanya aweze kufika mbali
Hata hivyo Zahera amesema alikata tamaa na Ajib baada ya kukataa kujiunga na TP Mazembe ili aendelee kubaki hapa nchini
"Nilimpa unahodha ili kumuongezea nidhamu ya soka na utambuzi ili aweze kufika mbali," amesema
"Nilijua akiwa nahodha atakuwa karibu na mimi nami nitaendelea kuweka juhudi na bidii kwake kama injini ya timu ili afike mbali"
"Naweza kuwa nimefanikiwa kwa kiasi kidogo, kwa ujumla Ajib sio mchezaji mbaya"
"Ajibu ni mchezaji mzuri ila bado hajajitambua yeye ni nani katika soka"
"Alivyoniambia amepata ofa Mazembe nilifurahi sana lakini baadae nikaskia mara amesinya Simba mara anaonekana Ndondo Cup hapo ndipo sikumuelewa"
"Mchezaji akishakosa muelekeo wa soka lake ni ngumu sana kujivunia mafanikio kwenye ulimwengu wa soka"
"Sifa kuu ya mchezaji ni kutambua yeye ni nani katika soka, Nafasi yake katika soka, Nini malengo yake katika soka, Na kwanini amechagua soka na si music or fashion??!"
"Kumkataa Ajibu sio kwamba ni mbaya ila nataka ajitambue, na ili kujitambua acheze nje ya Yanga ili nione kujitambua kwake"
Ajib tayari ameshakamilisha usajili wa kujiunga na Simba ambapo inaelezwa timu hiyo itamtambulisha Julai 01 baada ya mkataba wake na Yanga kumalizika Juni 30
Zahera amesema alimuondoa Ajib kwenye mipango ya kikosi chake cha msimu ujao baada ya kinara huyo wa pasi za mabao kupata ofa kutoka TP Mazembe
Amesema hata baada ya Ajib 'kuipotezea' ofa ya Mazembe, hakutaka asajiliwe
