Inaelezwa uongozi wa Yanga umeununua mkataba wa mlinda lango Klaus Kindoki ambapo mlinda lango huyo ataondolewa kwenye kikosi cha timu hiyo
Kindoki alikuwa na mkataba wa mwaka mmoja kuendelea kuitumikia Yanga
Pamoja na usajili wa mlinda lango Farouq Shikalo, presha ya mashabiki wa Yanga nayo inaweza kuwa imechangia kuchukuliwa kwa uamuzi huo
Katika msimu wake wa kwanza Yanga, Kindoki alishindwa kuwashawishi mashabiki kutokana na kiwango chake kutokutabirika
Kuna baadhi ya mechi alicheza vizuri lakini pia kuna mechi 'aliboronga'
Mkufunzi wa makipa wa Yanga Juma Pondamali ni miongoni mwa waliomkosoa mlinda lango huyo, akibainisha kuwa na makosa mengi ikiwa ni pamoja na kutokujiamini awapo langoni
Baada ya kumnasa Shikalo, inaelezwa Yanga pia imemsajili mlinda lango wa Azam Fc aliyekuwa akicheza kwa mkopo Mbao Fc, Metacha Mnata
