Mkataba wa nahodha wa Yanga Ibrahim Ajib unafikia tamati leo na pengine kesho atatangazwa kwa mbwembwe zote huko Msimbazi ambako inaelezwa amesaini mkataba wa miaka miwili
Hata hivyo kwa usajili uliofanywa na mabingwa hao wa kihistoria, ni dhahiri Ajib kinara wa pasi za mabao msimu uliomalizika hataacha pengo Jangwani
Kwenye safu ya kiungo Yanga imeongeza watu wanne matata Abdulaziz Makame, Mapinduzi Balama, Patrick Sibomana na Issa Bigirimana ambao wanatarajiwa kuibadili kabisa Yanga
Huku ikisajili washambuliaji matata Juma Balinya, Maybin Kalengo na Sadney Urikhob
Msimu uliopita Yanga ilimtegemea zaidi Ajib katika kutengeneza mabao ambapo timu hiyo ilitumia mipira ya krosi na adhabu kufunga idadi kubwa ya mabao yake
Ajib aliifungia Yanga mabao sita na kutoa pasi 15 za mabao ambapo Mcongomani Heritier Makambo ndiye aliyenufaika zaidi ya krosi za Ajib akifunga mabao matano kati ya 17 aliyoweka kambani
Uongozi wa Yanga umempa baraka zote Ajib kwenda kusaka maisha sehemu nyingine ukitambua mchango wake kwenye kikosi cha timu hiyo msimu uliopita
Katika mkutano na waandishi wa habari wiki iliyopita, Makamu Mwenyekiti wa Yanga Fredrick Mwakalebela alisema timu hiyo ilifanya mazungumzo na Ajib lakini hawakufikia muafaka hivyo kumpa uhuru wa kuamua kuhusu muktakabali wake
Yanga imeongeza nyota wapya 13 kwenye kikosi chake cha msimu ujao
