Msimu huu Yanga imefanya usajili makini sana, kocha Mwinyi Zahera pamoja na uongozi wa timu hiyo wanastahili pongezi kwa kusajili wachezaji kulingana na mahitaji ya timu
Ukiangalia nyota wote waliosajiliwa na Yanga wametua kumaliza changamoto katika nafasi flani ambazo zilikuwa na madhaifu
Moja ya nafasi iliyoisumbua Yanga msimu uliopita, ilikuwa nafasi ya kiungo mkabaji
Msimu uliopita Yanga ilimtumia zaidi Fei Toto kwenye nafasi hiyo lakini sasa imemleta mtu sahihi Abdulaziz Makame 'Bui'
Bui hana mambo mengi anapokuwa uwanjani, anayajua vyema majukumu ya kiungo mkabaji
Ubora wake uko hasa kwenye kuanzisha mashambulizi.
Bui kutoka visiwani Zanzibar ana uwezo mkubwa wa kusambaza mipira kwa ufanisi
Anaweza kupiga pasi fupi na ndefu. Kwa mipira mirefu anayopiga unaweza kudhani ana rula mguuni
cutJambo moja la uhakika msimu huu, Yanga itakuwa bora sana kutokana na aina ya wachezaji waliosajiliwa
Kipimo chao kikubwa cha kwanza ni dhidi ya AS Vita, uwanja wa Taifa August 04 kwenye kilele cha siku ya Mwananchi
Yanga itashiriki michuano ya ligi ya mabingwa msimu huu ambapo kati ya August 09-11 itashuka dimbani kucheza mechi ya kwanza ya hatua ya awali
