Wiki ya Mwananchi ya Yanga imekumbwa na changamoto ya muingiliano wa ratiba na michuano ya CHAN
Awali mchezo wa kileleni cha wiki hiyo ulipangwa kupigwa dimba la Taifa Julai 27 lakini uliahirishwa kutokana na uwepo wa mchezo kusaka tiketi ya michuano ya CHAN kati ya Tanzania dhidi ya Kenya ambao utapigwa Julai 28 katika dimba la Taifa
August 04 ndiyo tarehe ambayo mchezo huo ulisogezwa ambapo klabu ya AS Vita imethibitisha kuja kukipiga na mabingwa hao wa kihistoria
Hata hivyo mchezo wa marudiano kati ya Kenya dhidi ya Tanzania nao umepangwa kupigwa August 04 huko Kenya
Lakini kwa kuwa Tanzania itacheza huko Kenya, huenda Yanga ikaendelea na ratiba yake kama ilivyopangwa
Aidha kutokana na muda uliobaki kuwa mdogo, hakuna uwezekano kwa mchezo huo kusogezwa mbele kwa kuwa kati August 09-11 Yanga itaanza kampeni ya michuano ya ligi ya mabingwa hatua ya awali
Kama kutakuwa na ulazima, mchezo dhidi ya AS Vita unaweza kurudishwa nyuma
