Uongozi wa Yanga msimu huu umefanikiwa kukamilisha kwa wakati kupatikana kwa vibali vya wachezaji wake wote wa kigeni hivyo kuwa na uhakika wa kuweza kuwatumia kwenye michuano mbalimbali
Makamu Mwenyekiti wa Yanga Fredrick Mwakalebela amethibitisha kuwa wachezaji wote wa kigeni waliosajiliwa a Yanga vibali vyao vimekamilika
Yanga imesahihisha makosa yaliyotokea msimu uliopita ambapo kocha Mwinyi Zahera hakuweza kukaa kwenye benchi la Yanga kwa karibu miezi mitatu kutokana na kutokamilika kwa vibali vyake
Wachezaji wa kigeni waliosajiliwa na Yanga ni Farouq Shikalo, Lamine Moro, Mustapha Suleyman, Issa Bigirimana, Patrick Sibomana, Maybin Kalengo, Juma Balinya na Sadney Urikhob
Wote wako kambini Morogoro isipokuwa Shikalo ambaye atatua nchini mwishoni mwa wiki
Naye kocha Mkuu wa timu hiyo Mwinyi Zahera anatarajiwa kuwasili mwishoni mwa wiki akitokea mapumzikoni nchini Ufaransa
Zahera alikwenda mapumziko baada ya kuitumikia timu ya Taifa ya DR Congo kwenye michuano ya Afcon 2019 timu hiyo ikitolewa hatua ya 16 bora
