Yanga kujipima na Moro Kids Ijumaa

Kikosi cha Yanga kesho Ijumaa, Julai 19 kitacheza mchezo wa pili wa kirafiki dhidi ya Moro Kids ikiwa ni sehemu ya program ya mazoezi ya timu hiyo

Mratibu wa Yanga Hafidh Saleh amesema timu hiyo imekusudia kucheza michezo mitano ya kirafiki katika maandalizi yake yanayoendelea mkoani Morogoro

Mapema wiki hii, Yanga ilicheza na Tanzanite Fc na kuibuka na ushindi wa mabao 10-1

Kwenye mchezo huo Yanga huenda ikawakosa nyota wake Lamine Moro na Maybin Kalengo ambao walishindwa kufanya mazoezi leo kutokana na sababu mbalimbali

Moro anasumbuliwa na Malaria wakati Kalengo amepata majeraha ya kifundo cha mguu

Kalengo pia hakucheza mchezo dhidi ya Tanzanite Fc kutokana na majeraha hayo