Kocha Msaidizi Noel Mwandila ndiye Msimamizi Mkuu wa program za mazoezi ya Yanga mkoani Morogoro
Wakati huu ambao Zahera bado hajarejea kutoka mapumzikoni Ufaransa, Mwandila ndiye anayeratibu na kusimamia mazoezi yote
Peter Manyika yeye ana kazi ya kuwanoa walinda lango
Naye anasubiri ujio wa mlinda lango Farouk Shikalo ili akamilishe idadi ya walinda lango wanne ambao huenda akafanya nao kazi msimu mzima
Shikalo anaweza kutua mkoani Morogoro kesho Jumapili
Metacha Mnata, Ramadhani Kabwili na Klaus Kindoki wako katika mikono salama ya kipa huyo wa zamani wa Yanga
Manyika ametua kuchukua nafasi ya Juma Pondamali ambaye alidumu katika nafasi hiyo kwa takribani misimu minne
Hafidh Saleh ni mratibu na msimamizi wa shughuli zote za timu hiyo nje ya dimba
Dk Edward Bavu yeye jukumu lake kubwa ni kuhakikisha afya za wachezaji ziko salama
Meneja Nadir Haroub 'Cannavaro' (hayupo pichani) yeye ndiye mtu wa karibu zaidi na wachezaji
Ni kiunganishi kati ya uongozi wa Yanga na wachezaji
