Hatutarudia kosa la kufungwa nyumbani - Mwandila

Kufanya kosa sio kosa...kosa ni kurudia kosa ndio msemo ambao mabosi wa Yanga wanautumia kuelekea mchezo wa kwanza wa ligi ya mabingwa hatua ya awali dhidi ya Township Rollers

Yanga itamenyana na Township Rollers kati ya August 09-11 katika mchezo utakaopigwa uwanja wa Taifa

Mapema mwaka jana, Rollers walicheza na Yanga kwenye raundi ya kwanza ya michuano hiyo na kufanikiwa kutinga hatua ya makundi kwa ushindi wa mabao 2-1

Rollers waliupata ushindi huo jijini Dar es salaam, mchezo wa marudiano ukipigwa Botswana na kumalizika kwa suluhu ya bila kufungana

Kocha Msaidizi wa Yanga Noel Mwandila amesema kilichoiponza timu hiyo mwaka jana, ni kupoteza mchezo wa nyumbani

Mwandila amesema wamejipanga kuhakikisha wanaibuka na ushindi kwenye mchezo utakaopigwa jijini Dar es salaam

Licha ya ubora wa kikosi cha Township Rollers, Yanga ina kila sababu ya kushinda mchezo wake wa nyumbani

Usajili makini uliofanywa, kucheza mbele ya mashabiki wake ni sababu kwao kufanya vizuri kwenye mchezo huo

Mwaka jana mashabiki walikata tamaa na timu yao kutokana na mwenendo usioridhisha, lakini hali itakuwa tofauti August 10

Wanayanga kutoka ndani na nje ya jiji la Dar es salaam wanatarajiwa kufurika kwa wingi uwanja wa Taifa kuiunga mkono timu yao

Mabingwa hao wa kihistoria wamejichimbia mkoani Morogoro wakiendelea kujifua kujiandaa na mchezo huo

Augsut 04 watakuwa na mchezo wa kuhitimisha kilele cha wiki ya Mwananchi kwa kuumana na Karioangi Sharks katika mchezo utakaopigwa uwanja wa Taifa